Ang Tunay At Tapat Na Kaibigan

Ang Tunay At Tapat Na Kaibigan

Dahil sa modernong teknolohiya, napakadali na ngayong magkaroon ng daan-daan o libo-libo pa ngang “friends” sa social network—basta idagdag lang natin ang pangalan nila sa listahan ng ating mga contact. At kung ayaw na nating maging “friend” ang isang tao, idi-delete lang natin ang pangalan niya sa ating contact list. Hirap pa ring makahanap ng tunay na kaibigan ang marami. Gaya ng marami, marahil ay sang-ayon ka rin na mahalagang magkaroon ng mabubuting kaibigan. Pero alam mo rin na ang pakikipagkaibigan ay hindi lang basta pagki-click ng mga link sa iyong computer o cellphone. 

Ano ang hinahanap mo sa isang kaibigan? Paano ka magiging isang mabuting kaibigan? Ano ang kailangan para tumagal ang pagkakaibigan?

 1. Ipakita na Talagang Nagmamalasakit Ka

Kailangan sa tunay na pagkakaibigan ang commitment. Ibig sabihin, alam ng isang mabuting kaibigan na may responsibilidad siya sa iyo, at talagang nagmamalasakit siya sa iyo. Siyempre pa, pareho kayong dapat makadama ng gayong responsibilidad, at kailangan dito ang pagsisikap at pagsasakripisyo. Pero sulit naman iyan. Tanungin ang sarili, ‘Handa ko bang ibigay ang aking sarili, panahon, at anumang mayroon ako para sa kaibigan ko?’ Tandaan, para magkaroon ng mabuting kaibigan, ikaw mismo ay dapat na maging isang mabuting kaibigan.

ANO ANG SINASABI NG BIBLIYA?

“Kung ano ang ibig ninyong gawin ng mga tao sa inyo, gayundin ang gawin ninyo sa kanila. Ugaliin ang pagbibigay, at ang mga tao ay magbibigay sa inyo.” (Lucas 6:31-38) Dito, pinasisigla tayo ni Jesus na maging mapagbigay at huwag maging makasarili. Kung gagawin natin ito, magkakaroon tayo ng mabubuting kaibigan. Kung handa mong ibigay ang iyong sarili para sa mga kaibigan mo nang walang inaasahang kapalit, gugustuhin ka nilang maging kaibigan.

2. Maging Mahusay sa Pakikipag-usap

Hindi lalalim ang tunay na pagkakaibigan kung walang komunikasyon. Kaya laging mag-usap tungkol sa mga bagay na gusto ninyo. Pakinggan ang iyong kaibigan, at igalang ang opinyon niya. Kung posible, papurihan siya at patibayin. May mga panahong kailangan niya ng payo o pagtutuwid pa nga, at hindi ito laging madaling ibigay. Pero ang isang tapat na kaibigan ay may lakas ng loob na itawag-pansin ang maling ginagawa ng kaniyang kaibigan at magbigay ng payo sa mataktikang paraan.

ANO ANG SINASABI NG BIBLIYA?

Ang bawat tao ay dapat na maging matulin sa pakikinig, mabagal sa pagsasalita, mabagal sa pagkapoot.” (Santiago 1:19) Sa pagkakaibigan, mahalaga ang pakikinig. Pero kung ikaw lagi ang nagsasalita, ipinadarama mong mas mahalaga ang opinyon mo kaysa sa opinyon nila. Kaya makinig ka kapag nagsasabi sa iyo ng niloloob ang kaibigan mo. At huwag sasamâ ang loob mo kapag may itinawag-pansin siya sa iyo. “Ang mga sugat na idinulot ng [kaibigan] ay tapat,” ang sabi ng Kawikaan 27:6.

 3. Maging Makatotohanan sa mga Inaasahan

Habang nagiging malapít tayo sa isang kaibigan, mas nakikita natin ang kaniyang mga kapintasan. Hindi perpekto ang mga kaibigan natin, pero ganoon din tayo. Kaya hindi tayo dapat umasang hindi sila magkakamali. Sa halip, pahalagahan natin ang kanilang magagandang katangian at palampasin ang kanilang mga pagkakamali.

ANO ANG SINASABI NG BIBLIYA?

Handa ka bang magpatawad?—Colosas 3;13,14

“Tayong lahat ay natitisod nang maraming ulit. Kung ang sinuman ay hindi natitisod sa salita, ang isang ito ay taong sakdal, na may kakayahang rendahan din ang kaniyang buong katawan.” (Santiago 3:2) Ang mga salitang iyan ay tutulong sa atin na maging mas maunawain sa ating mga kaibigan. Kaya naman mapalalampas natin ang maliliit na pagkakamali at pagkukulang na baka ikayamot natin. Sinasabi ng Bibliya: “Patuloy ninyong pagtiisan ang isa’t isa at lubusang patawarin ang isa’t isa kung ang sinuman ay may dahilan sa pagrereklamo laban sa iba. . . . Ngunit, bukod pa sa lahat ng bagay na ito, damtan ninyo ang inyong sarili ng pag-ibig, sapagkat ito ay isang sakdal na bigkis ng pagkakaisa.”—Colosas 3:13,14.

 4. Makipagkaibigan sa Iba’t Ibang Uri ng Tao

Totoo na kailangan tayong maging mapamili pagdating sa kaibigan. Pero hindi ibig sabihin nito na kakaibiganin lang natin ang mga kaedad o kapareho natin ng background. Kapag nagpakita tayo ng interes sa lahat ng tao, anuman ang kanilang edad, pinagmulan, at lahi, mas magiging maligaya tayo.Nakikipagkaibigan ka ba sa iba’t ibang uri ng tao?—2 Corinto 6:13

ANO ANG SINASABI NG BIBLIYA?

“Nagsasalita akong gaya ng sa mga anak—kayo rin ay magpalawak.” (2 Corinto 6:13) Pinasisigla tayo ng Bibliya na makipagkaibigan sa lahat ng uri ng tao. Kung gagawin mo ito, magiging makulay ang buhay mo, at mapapamahal ka sa iba.

Paaralan, Daan sa Kinabukasan ng Bayan

Ang  sistemang edukasyon ng Pilipinas ay ginagamit lamang bilang instrumento ng estado sa paghubog ng kamalayan at kakayahan ng mga kabataan.Ang paaralan na siyang nagsisilbing pangalawang tahanan sapagkat dito nalilinang ang ating kakayahan, katalinuhan, talento at kaalaman. Ang layunin ng isang paaralan ay ang hubugin ang kagalingang taglay ng bawat isa. Dito lalong nahahasa ang bukod tanging mayroon ang isang bata, kasamang nahuhubog dito ang sariling disiplinang magagamit niya hanggang sa pagtanda. 

Ang dapat na paaralang kinabibilangan ng bawat estudyante ay malinis.   Isang paaralang maghahatid sa kanila ng maayos na edukasyon at maayos na kinabukasan sapagkat ang mga estudyante ay mga mahahalagang nilalang sa ating lipunan. Sila ang kinabukasan ng mundong ating kinabibilangan at ayon nga kay Gat. Jose Rizal, sila ang pag-asa ng ating bayan. Nararapat lamang na sila ay pumabilang sa isang institusyong mamahuhusay na guro. 

At siyempre, hindi makakapagfocus ang isang mag-aaral kung hindi kumpleto ang mga pasilidad sa isang paaralang kanyang pinapasukan. Katulad na lamang ng mga gymnasium na kung saan tayo tumatambay o nagpapalipas ng oras.

Gymnasium,lugar kung saan nagaganap ang mga palaro kagaya ng basketbol, futsal at marami pang iba. Dito rin nahuhubog ang ating mga talento kagaya ng pagsayaw at pag-akting sapagakat dito laging nagaganap ang mga praktis.                 

Garden, isang mapayang lugar kung saan pwedeng  magpahinga , gumawa ng mga takdang aralin, at maglaro. 

Hallway, lugar kung saan dumadaan ang mga nagmamadali o malulumanay na estudyante sa paaralan namin. Makikita dito ang mga iba't ibang uri ng estudyante na kadalasa'y nagmamadali dahil male-late na sa kani-kanilang klase. 

Isa sa pinakasagradong lugar sa aming paaralan ay ang chapel. Ang Chapel, bilang instrumento ng ating Panginoon upang hikayatin ang bawat tayo na sumamba at manampalataya sa kanyang salita kaya dapat respituhin at pahalagahan ang sagradong lugar na ito.